Արդեն 2 տարի Երևանի փողոցներում և մարզերում տեղակայված Ֆասթ Շիֆթ-ի վճարային նորաոճ տերմինալներն իրենց գույնով ու բրենդինգով տարբերվում են՝ յուրահատուկ համադրվելով մայրաքաղաքի վարդագույնին։ Ֆասթ Շիֆթ ընկերության գործադիր տնօրեն Արագած Ասատրյանն ամփոփել է ընկերության 2 տարին և նշել, որ ընկերության նպատակն է Հայաստանում վճարումներ կատարելու մշակույթն ավելի ապահով, ճկուն և նորարարական դարձնելը։
Ֆասթ Շիֆթ-ի վճարային տերմինալները հագեցած են նորագույն տեխնոլոգիաներով, ինչն էլ նոր հնարավորություններ և առավելություններ է առաջարկում սպառողին: Վերջիններիս հարմարավետության մասին հոգալով ընկերությունը տերմինալները նախագծելիս կարևորել է բոլոր դետալները՝ էկրանի չափսը, ծրագրային արագությունն ու հագեցվածությունը։
Արագած Ասատրյանն առանցքային է համարում հաճախորդների բարձրորակ սպասարկումը և անդրադարձել է կոնտակտային կենտրոնին, որն արդեն 24/7 սպասարկման ռեժիմով արագ արձագանքում է հաճախորդների դիմումներին և հնարավոր տեխնիկական խնդիրների դեպքում շտապ լուծում տալիս։ Ընկերության գործադիր տնօրենը պատմել է նաև Ֆասթ Շիֆթ-ի տեսլականից, առաջիկա ծրագրերից՝ նշելով, որ շատ մոտ ապագայում հաճախորդներին կներկայացվի էլեկտրոնային դրամապանակը․ «Դեռևս թեստավորման փուլում ենք, որպեսզի վերջնարդյունքում հնարավորինս իդեալական, լավ որակի պրոդուկտ ունենանք»,-հավելել է Ասատրյանն ու նշել, որ որքան էլ մրցունակ են ընկերության տերմինալները, միայն դրանք բավարար չեն հաճախորդների համար վճարումներ կատարելու լիարժեք հարմարավետությունն ապահովելու համար։
Պարզ, արագ և ապահով․ սա է Ֆասթ Շիֆթի որդեգրած սկզբունքը։