Մասնակիցների ընդհանուր ժողովը ընկերության կառավարման բարձրագույն մարմինն է: Ընկերության մասնակիցների հերթական ընդհանուր ժողովը հրավիրվում է Ընկերության տնօրենի կողմից տարեկան մեկ անգամ ֆինանսական տարվա ավարտից ոչ շուտ, քան երկու ամիս և ոչ ուշ, քան չորս ամիս անց։
Ընկերության մասնակիցների արտահերթ ընդհանուր ժողովը հրավիրվում է Ընկերության տնօրենի կողմից Օրենքով և ընկերության կանոնադրությամբ սահմանված դեպքերում, ինչպես նաև բոլոր այն դեպքերում, երբ դա են պահանջում ընկերության և նրա մասնակիցների շահերը։
Ընկերության մասնակիցների 12.02.24թ․ արտահերթ ընդհանուր ժողովի թիվ FS0001ՈՐՇ-02 որոշմամբ հաստատվել է Ընկերության կանոնադրական կապիտալի նոր չափ՝ 2 415 050 000 (երկու միլիարդ չորս հարյուր տասնհինգ միլիոն հիսուն հազար) ՀՀ դրամ, որը բաժանված է 2 հավասար բաժնեմասի՝ 1 207 525 000 (մեկ միլիարդ երկու հարյուր յոթ միլիոն հինգ հարյուր քսանհինգ հազար) ՀՀ դրամ անվանական արժեքով:
Նույն որոշմամբ հաստատվել է Ընկերության կանոնադրության՝ կանոնադրական կապիտալի չափի ավելացման հետ կապված փոփոխությունը, որը ՀՀ իրավաբանական անձանց պետական ռեգիստրի գործակալությունը գրանցել է 15.02.24թ։
ԱՐԺԵԹՂԹԵՐԻ ՀՐԱՊԱՐԱԿԱՅԻՆ ՏԵՂԱԲԱՇԽՈՒՄ
«Ֆասթ Շիֆթ» ՍՊԸ-ն արժեթղթերի հրապարակային տեղաբաշխում չի իրականացնում:
ՇԱՀՈՒԹԱԲԱԺԻՆՆԵՐ ՎՃԱՐԵԼՈՒ ՄԱՍԻՆ
«Ֆասթ Շիֆթ» ՍՊԸ 2020թ.-ի և 2021թ.-ի գործունեության արդյունքներով շահաբաժիններ չեն վճարվել:
ՏԵՂԵԿՈՒԹՅՈՒՆՆԵՐԻ ՍՏԱՑՄԱՆ ՀՆԱՐԱՎՈՐՈՒԹՅԱՆ ՄԱՍԻՆ
Ընկերության մասնակիցներն իրավունք ունեն տեղեկատվություն ստանալ ընկերության գործունեության մասին, ծանոթանալ հաշվապահական հաշվառման, հաշվետվության, ընկերության արտադրատնտեսական գործունեության այլ փաստաթղթերի հետ։
Ղեկավարների վարձատրության մասին
«Ֆասթ Շիֆթ» ՍՊԸ գործադիր տնօրենի և գլխավոր հաշվապահի՝ նախորդ տարվա ընթացքում ֆինանսական կազմակերպությունից ստացված ամբողջ վարձատրության (ներառյալ` պարգևատրումների, ֆինանսական կազմակերպության համար որոշակի աշխատանք կատարելու դիմաց վճարների, աշխատավարձին հավասարեցված այլ եկամուտների) չափը կարող եք տեսնել այստեղ:
